Shree Mangalaya Kainkaryam

ஒருநாள் பெரியவா பக்தர் ஒருவர் போன் செய்து என் மகளின் திருமணம் வைத்துள்ளேன். அவள் திருமணத்தை நல்ல முறையில் செய்திட என்னிடம் பணவசதி இல்லை. என் மகளின் திருமணத்திற்கு உதவ வேண்டும் என்றார். பொதுவாக நம்மிடம் ஒரு விண்ணப்பம் வருகிறது என்றால் அது மஹாபெரியவா நமக்கிட்ட ஆக்னையாக கொண்டே செயல்படுவோம்..

மேலும் நாம் பல கைங்கர்யங்கள் செய்து வருகிறோம் ஆனால் திருமணத்திற்கு என எதுவும் செய்திடவில்லை இதுவே முதல் விண்ணப்பம். 

 மறுநாள் பூஜையை முடித்து பெரியவாவிடம் அமர்ந்து இதை பற்றி மனதில் நினைக்க   ‘’ஸ்ரீமாங்கல்யம்’’ கொடுக்கலாம் என மனதில் உத்தரவு. சரி பெரியவா உத்தரவு அப்படியே செய்வோம். ஆனால் உதவி கேட்டவர்  ஸ்ரீமாங்ல்யம் என கேட்கவில்லையே எப்படி நாம் ஸ்ரீமாங்கல்யம் தான் தருவோம் என சொல்வது, அவர் ஸ்ரீமாங்கல்யம் தயார் செய்து இருந்தால் நாம் எப்படி பெரியவா உத்தரவை மீறி வேறு கொடுப்பது,  என பல யோசனையுடன் , உதவி கேட்டவரிடம் என்ன மாதிரி உதவி தேவை என கேட்டோம், அவர் சொன்ன முதல் வார்த்தையே நிங்க ஸ்ரீமாங்கல்யம் தருவீங்க என என் நண்பர்  சொன்னார் ,  ஸ்ரீமாங்கல்யம் கிடைத்தால் போறும் என்றார்.

‘’ஒரு நிமிடம் எம்மையும் அறியாமல் கண்ணிர் வந்து விட்டது. ஆம் நாம் இதுவரை யாருக்கும் ஸ்ரீமாங்கல்யம் கொடுக்கவில்லை பின் எப்படி அவர் நாம் ஸ்ரீமாங்கல்யம் கொடுக்கிறோம் என சொல்லி இருப்பார்.’’

மஹாபெரியவாவும் ஸ்ரீமாங்கல்யம் கொடு என உத்தரவிடுகிறார். உதவி கேட்ட அன்பரும் நீங்கள் ஸ்ரீமாங்கல்யம் கொடுப்பீர்கள் என்கிறார், அது தான் மஹாபெரியவா , ஒரு கைங்கர்யத்தை செய்ய வேண்டும் என்று பெரியவா முடிவு செய்து விட்டார். அதை நம் மூலம் நடத்தி கொள்கிறார், அதுவே நம் பாக்கியம்.

இந்த உலகில் யாரெல்லாம் அவரது பாதத்தை பற்றி தன் குறையை கஷ்டத்தை சொல்லி மன்றாடுகிறார்களோ அடுத்த நொடியே அதனை தீர்த்து, நான் உன் கூட இருக்கிறேன் என கருணை செய்யும் மஹாதெய்வம் நம் பெரியவா.

சரி ஸ்ரீமாங்கல்யம் கொடுக்க வேண்டும் அதற்கான ஏற்பாடுகளை செய்ய வேண்டுமே. அதையும் அவரே செய்வார் என இருந்தோம். ஆம்!  அதன்படி அதையும் செய்தார்  மஹாபெரியவா ! ஏனெனில் இந்த கைங்கர்யங்கள் எதையும் நாம் செய்யவில்லை அவரே தான் செய்து கொண்டு இருக்கிறார் நாம் ஒரு கருவியாக செயல்பட்டு கொண்டு இருக்கிறோம் அவ்வளவே. அடுத்த நாள் நம் கைங்கர்யத்தில் உள்ள பத்மினி மாமி போன் செய்தார் நம்மிடம் ஏதாவது ஒரு கைங்கர்யத்திற்கு பணம் கொடுக்க வேண்டும் எப்படி அனுப்ப வேண்டும் என்றார். நாம் ஸ்ரீமாங்கல்யம் தர இருப்பதை சொன்னோம் அடுத்த நிமிடம் அவர் மிகுந்த சந்தோஷத்துடன் நானே ஸ்ரீமாங்கல்யம் வாங்கி தருகிறேன், ஏற்கனவே நான் பெரியவாவிடம் ஸ்ரீமாங்கல்யம் தருவதாக பிரார்த்தனை வைத்து இருந்தேன் ஆகவே இந்த ஸ்ரீமாங்கல்யம் நானே தருகிறேன் என மிகவும் உற்சாகமாக எதோ நீண்ட நாள் கிடைக்காத ஒரு பொக்கிஷம் கிடைத்தை போல ஆனந்தமடைந்தார்.

ஒரு நிகழ்வால் ஒருவரின் பிரார்த்தனையையும் ஒருவரின் தேவையையும் பூர்த்தி செய்யும் தெய்வீக சங்கல்பம் இதற்கு நாமும் ஒர் துளியாக இருப்பதே பெரும் அனுக்கிரகம், இது தான் மஹாபெரியவா அற்புதம். 

ஸ்ரீமஹாபெரியவா அனுக்கிரத்தால் அவர்களின் முறைபடி ஸ்ரீமாங்கல்யம் தயாராகி விட்டது எப்படி, எங்கே வைத்து கொடுப்பது? என மாமி கேட்க , இதை ஏற்பாடு செய்து யார் பெரியவா ஆச்சே அப்ப அவரிடம் தான் கொடுக்க வேண்டும். ஆக ஸ்ரீமடத்தில் பெரியவா அதிஷ்டானத்தில் வைத்து கொடுத்து விடலாம்..எப்போது கொடுக்கலாம் என்றால் ? நமெக்கெல்லாம் ஒரே புண்ணிய தினம் அனுஷம் ஆயிற்றே அனுஷதன்றே கொடுப்பது என திர்மானித்தோம்.. இல்லை அவர் நம்மை இப்படி திர்மானிக்க வைத்துள்ளார். அதன்படியே காஞ்சிபுரம் ஸ்ரீமடம் சென்றோம். தானம் கேட்டவரையும் காஞ்சிபுரம் வர சொல்லி ஸ்ரீமஹாபெரியவா அனுக்கிரத்துடனும் ஸ்ரீசங்கரவிஜயேந்திர சரஸ்வதி ஸ்வாமிகள்– பாலபெரியவா அனுக்கிர ஆசியுடன் அவர்களிடம் ஸ்ரீமாங்கல்யம் வழங்கினோம்.